專收叻仔 搭棚

專收叻仔  、 搭棚

上周我畀建議讀者，叫大家將組合內主要資金，長買價值股，惹起好多朋友的回應，我想借此機會再與大家分享。

網友「cashin」有一個好好的總誌，話我講的問題其實等如「你寧願好刺激咁輸，定係好悶咁贏？」我估好多人都無認真咁諗過呢個問題，只是隨着感覺走。

網友「依家控股」講佢自己爸爸的例子，就是一個典型。佢話：「陸SIR，今日你在頭條日報專欄講投資羸投機輸，在下好有感觸。好多人話投資股票其實唔難，只要「等跌買大股死坐」就掂，以前好多人就咁咁樣供獅子銀行(005) 贏大錢，不過後來「大股」有啲變質， 除左八號仔(008) 係經典外，連獅子銀行都五年上唔返高位。」

依家控股舉佢爸爸的例子：「在下老竇2007年炒股仔輸身家，好在仲有層供完嘅港島藍籌屋苑單位連車位，結果輸到賣樓賣車位搬去新界，不過去新界買過另一層樓，賣樓套現還埋百萬賭債，都仲有成百幾二百萬畀佢養老。在下老竇係好賭之人，日日要起身睇市，睇住啲股價同埋報價機上買賣兩邊條隊就會開心，佢仲係有學識的人，70年代大學畢業，英文好，去書局買啲500蚊本嘅鬼佬股票書嚟研究，主要都係圖表派，不過佢學完之後就應用在啲股仔及牛熊證上，結果不問而知。」

老竇慘輸 阿仔心痛

依家控股繼續講：「老竇炒輸錢賣樓還錢的事，已經過咗三年，見佢愈炒愈縮，我食飯同佢講，「如果你200萬等股價平的時候，在3蚊樓下瞓落去買3988(中國銀行)， 一年6、7厘息，一年最少收10萬息，你咁樣炒炒吓，一年炒唔炒到10萬？」佢出唔到聲無回應。依家成日見啲財務公司廣告，有身份證同電話就借得，真係有少少擔心老竇會唔會再錯一次，不過如果佢再錯，我估佢又輸100萬， 老竇層新界樓值300萬，賣完樓還完錢都仲有百零萬，可以買番層天水圍上車盤比佢過世嘅，始終層樓係佢捱返嚟，佢想輸咗層樓，係佢嘅自由。人就係咁，好地地「等跌買大股死坐」咪OK囉，但咁樣太悶，唔覺得自己係投資緊，但長炒真係十個有九個輸，真係無奈。」

依家控股老竇慘輸的故事，佢不是今日才講，記得幾年前佢老竇炒股輸錢欠落一身債要被逼賣樓時，佢都有留言問過我點算，如果三年前唔係賭輸咗被迫賣樓，而家層樓連位隨時值800萬、1000萬，沽咗佢買中行，一年收60、70息，印印腳。估唔到佢老竇經過一場教訓，都未戒到手癮，搞到3年後又要個仔擔心。

據依家控股所講，佢老竇係70年代大學生，學識唔錯，識得睇英文投資書，但一樣搞成咁。大家要知道，70年代讀到大學的多數係叻人，而家本地中學生入政府資助大學的比率係18%，但70年代時只有1%，的確是百中選一的聰明仔，但咁有學識的人炒股都唔掂，皆因股市有一個特性：「專收叻仔」。

真嘢唔靚 靚嘢唔真

如果你自認愚笨，或者至少對股市愚笨，叫你等跌市時買好股長揸，甚至買指數基金長揸，你唔會太抗拒，可能首要關心係隻股派幾多厘息，因為揸住股票唔郁，對你唯一有刺激是收股息的時候。但若你自認叻人，英文又得，投資書睇唔少，當然不安於「等跌市買好股」的笨方法，想找出制服股市巨龍的良方，找出打敗股市的秘訣。正當叻人在鑽研炒股秘方時，大鱷就食住叻人的心理，佈下重重陷阱，等叻人落疊，聚而殲之。

大鱷殺人的方法，萬變不離其宗，都係造出極其吸引的局面，要生意有聲勢佢有聲勢，要盈利有盈利，要走勢靚佢有靚走勢，要成交佢有成交。叻人都係人，你要乜大鱷都畀乜，自然會心動，以為搵到筍嘢。

我最近同公司的同事開會，講起競爭對手在「搭棚」，佢哋完全唔明我講乜，我問「你唔知搭起個雞棚點解呀？」佢哋搖搖頭，唔知係我講嘢粗俗，定係年輕人入世未深，唔知呢個世界好多假嘢，做生意可以搭雞棚「凶」對手，股市做局，就係要搭雞棚引對手入局。

舉個例有一間零食店愈開愈多，而且是開在通衢大道，我心諗呢盤生意點做呀，香港鋪租貴人工貴，呢間嘢開始時開在舊區細商場、租金較便宜的地方開檔，仲有數圍，而家開在咁貴租的大街上，有無錢賺㗎？做零食唔同莎莎、周大福、D&G，可以大做高消費遊客生意，零食鋪賣嘢開單錢碼細，利錢薄，佢瘋狂開鋪，撐到咁大，所為何事？

我斷估無痛苦，覺得零食舖咁亂玩，只為炒股，開舖等如做戶外廣告，只為讓人人見到佢個招牌，令你覺得好勁，如果咁叻又可以搞到盤數好靚，然後反覆向上炒，就有人信。叻仔初時對呢隻股無信心，但見佢反覆炒高，圖表走勢好靚，股價跌親都反彈，加上業績又好的話，自然會落疊。若果仍嫌只是一隻本地股唔夠「重口味」，可以加啲進軍大陸概念，求其在大陸開三幾間做辦就當係真，又或者搵個乜嘢猛人或基金入股，搞到咁堅，你信啦啩？

真嘢唔靚，靚嘢唔真。蠢人見到醜醜地的東西都肯買，叻仔唔見到靚嘢唔願意落疊，所以在股市搭起雞棚做局，就係想收啲搵好嘢食想買10倍股的叻仔。妙就妙在有啲叻仔其實明知有人在做局，佢都照樣行入去，因為佢相信自己俾其他散戶聰明，其他人走唔到，自己會走到。但佢哋唔知道，大鱷睇晒老散的底牌，你唔夠佢玩。

控股投機 小賭怡情

例如一隻股仔，開始時市值兩三億，牌面有50%街貨，牌底其實只有10%街貨，另外40%揸在大戶手中。莊家可能係用市價再7折價錢攞呢40%貨在手，成本只是7000、8000萬，佢自然同公司大股東夾好，間公司搞吓生意，莊家搭棚炒股，做到股價圖靚一靚，一條上升軌，每跌到支持位都反彈再向上。請問依家控股個老竇買本500蚊鬼佬技術析書學到的東西，去分析一個土炮人造圖，又有乜意義呢？隻股係咁炒，3億市值炒到30億市值，到好消息出現時，例如公布業績爆升、進軍大陸或者猛人入股之類，開始吸引跟風散戶落疊，就是大戶出貨之時，佢唔使沽晒所有貨，舉例30億市值時沽一成收番3億，25億市值時沽一成收番2.5億，夾埋收咗5、6億，扣番8000萬成本加搭棚費用算佢1億幾，都仲有3、4億袋袋平安，跟住佢放手唔頂，隻股就變自由落體。散戶唔易走得到，一則莊家沽貨都係在最好的時候沽，那時散戶唔捨得走，二則如果莊家未散貨，隻股跌完會升返突，股價完全被人為操控，你唔信，佢就搞高搞到大部份人信為止，你沽咗都會俾佢引到你回頭買，點走？

股市中有好多這類人造美女，你俾佢滾一次唔出奇，滾十次都仲得，但唔好俾佢滾一世，去歡場俾人搶錢搶到三、四十歲，都要收手啦，就算唔徹底收山，都要控制自己被人滾的次數，減少損失。

賭開好難戒，最好先從減量入手，本來自己倉位100%係炒，而家減一半，甚至減70%，只留番30%係炒，其他70%資金低買價值股作長線投資，然後過一兩年，比較「投機的我」和「投資的我」的業績，如果投機真係可以賺大錢，可以加注，唔得，就要再減。若只用10%資金投機，小賭怡情，無傷大雅，我都唔太反對，但如果好似依家控股老竇咁，四、五十歲仲成日輸仲要賭身家，就好唔理性，要控制吓啦。

頭條日報 陸羽仁 26112012

Cup with handle

下方有 A 和 B 圖，都出現 cup with handle 突破走勢，如資金只夠買其中一隻，請務必先考慮買入 A 而不是 B。雖然好多人都對 B 較有興趣，因為股價之前跌成咁，一定跌到好平？

 

另外你可會諗，如果 B 的股價真的 turnaround，就算回到本來高位的一半或大半，都好爽！而 A 是新高價，會否太高？又無過往歷史價做指標，好似一隻隨風飄動的紙鳶，會唔會隨時斷線急跌？這是一般散戶的畏高症作怪；今年看過各成功炒家的有關書籍，大部分成功炒家都是靠選 A 類別發達。

 

 

以下是幾個較 實用的形態：

1. Cup with Handle
2. 雙底
3. 頭肩底

至於甚麼三角形，鑽石形，實用性不大。另外務必一定以週線圖的形態為準，日線圖出現的小雙底，小 Cup with Handle 之類，作用性不大。

除了兩者股票出現相同形態時，首選是 A 類之外。亦要注意成交量，突破時成交量越高越好，最好是單日以一年來最高的成交量突破，就更加安心買入。如果無成交量支持的突破，不一定失敗，只可以說失敗率較高，如果你資金較少，出擊就要更慬慎，情願錯過沒成交支持的突破股，等待一隻真正放量突破的股票出現才出擊，勝算較高。

 

強者和弱者分別，可用 "中期上升趨勢" 和 "中期下降趨勢"。

所謂中期，用三年週線圖來看清楚一個大局，而長期用 8 年月線圖，但長期我好少看，因為對操作沒有太大用處。

何者是 A 類，何者是 B 類？

 

 

 

有網友指出 中旅 (308) 可能是強者，我不反對，因為判斷強和弱，必定要配合時間框架。如果用一年週線圖，其實 308 表現不差，但放三年週線圖，就看到早前的一個下降趨勢。

圖中的紅色線代表一個較中期的趨勢，好明顯之前海爾電器 (1169) 是一個漂亮的上升趨勢，而中旅 (308) 則是下降趨勢。

趨勢的打破：

1169 早前跌穿紅線的上升趨勢，相反 308 是升穿下降趨勢，那麼是否代表大家的趨勢逆轉了呢？也不是。應該話當時仍然未知。

308 升穿中期下降軌，也只是完成了 Step 1。升到一個浪頂然後回落，出現了明顯的阻力藍色線，跌落去又出現一個支持位，第二次下跌也跌不破此支持位，進入橫行打底格局，是為Step 2。但完成整個 Trend，必定要最後向上突破藍色線 (Step 3) 。但現時未有，所以不敢輕言說 308 進入一個新的上升趨勢。

以反轉角度看 1169，跌穿上升趨勢的紅色線，有時不代表是轉勢，但以風險管理角度必須先撤出。之後等待一個較中期的形態出現後，才能看清大局，原來是在做一個頭肩底形態。

如果設 3 年期是時間框架，那麼 1169 是 A，而 308 則是 B。

當然筆者不厭其煩要重申，不是一定 B 類不可取，只不過筆者的投資風格已改成主打 A 類，因為自己覺得勝算較高。但本人不會說 "批死" 買 B 類一定無運行之類的話，因為筆者知道一定有好多走短線，短炒 B 類股票而成績相當不錯的高手在。

另外每人的時間框架不同，短炒的高手可能只看一年週線圖以及半年日線圖，已經可以操作得心應手。Alexander Elder 認為要先選自己喜歡的時間框架，然後再退一步用一個較中期的時間框架來看清大勢。比如說你喜歡日線圖作時間框架，那麼就把 1 日 x 5 等於五個交易日 (一週)，即用週線圖來看清大局。

前者 (喜歡的框架) 用為操作的出入點，而後者 (較寬的框架) 用為看清大局。

補充：不是全部放棄 B 類股票，如打底格局靚仔而又突破，還可一博，只不過資金佈局上，A 類應佔組合 8 成，B 類最多佔 2 成或更少。

曹仁超 ﹕樓市若轉勢 可跌6年 租金回報僅2厘 見頂信號

人稱曹Sir的知名投資評論家曹仁超（原名曹志明），自稱八成財富來自投資，一早已可以「上岸」，現時工作只為興趣和慈善目的。曹仁超最近出了新書《非富不可》，教導年輕人正確的投資觀念。他認為，現時樓價高企，年輕人不用急於置業，而應儲錢靜待入市時機。

曹Sir接受訪問指出，政府一再出招，遲早可以改變香港樓價方向（政府有能力壓低樓價，反而托高樓價就比較困難，這方面可參考日本政府例子及2008年起美國政府的例子），再加上香港樓價已上升了9年（圖），一旦樓價改變方向，回落期可長達6年。如要投資不妨可買收租股，部分收租股有4厘息；今時今日物業租金回報率只有2厘，通常2厘息是物業見頂信號。

曹仁超指出，由2003年9月特區政策推出「孫九招」，大舉降低本港土地供應、樓價自然上升至今，已經9年了。過去香港最長一次樓價上升期從1984年7月開始，當時中英政府在聯合聲明達至初步協議，加入「每年賣地50公頃」條款，令本港樓價反覆上升到1997年7月，上升期長達13年。

除這次外，香港樓價上升期最短3年，一般是5年到7年，連續上升9年則甚為少見。「沒有人事先知道樓價何時見頂，目前樓價只能用『夕陽無限好，只是近黃昏』來形容。樓價調整期1997年之前需時3年，1997年8月至2003年7月那次是6年，這次如樓價下調，（我）擔心需時6年。」

曹又表示，一般投資者（包括樓宇買賣者）不是太早入市，便是太早獲利回吐，理由恰恰是他們自以為較「市場」更聰明，忘記了做投資應該追隨趨勢直到趨勢改變為止。為何每天都擔心趨勢明天會出現改變？

「資金沒出路」 非買樓理由

不少人以「資金沒有出路」為由買「磚頭」，對此曹Sir並不認同。「2000年那時叫人不要再投資科網股，當年不肯賣出科網股的人，理由就是認為賣出後『資金沒有出路』，卻忽略了金價已開始上升。2007年10月叫人賣出港股，那時溫家寶已講明沒有港股直通車計劃，不少人仍不肯賣出，理由又是『資金沒有出路』。那時金價每盎司650美元，今天是1700美元。說資金沒有出路的人只是沒有遠見，他們見不到其他值得睇好的項目而已。李嘉誠手上有1000億港元，他從來不說資金有沒有出路，為何一般人只有一千幾百萬元，反而認為資金沒有出路？」

樓價與通脹 關係不密切

也有人認為，美國推出QE3（第三輪量化寬鬆措施），因此通脹會惡化，所以要買樓來抗通脹。曹Sir分析道，通脹成因有三：（一）貨幣供應上升；（二）物品或服務供應不足；或（三）貨幣流速上升。「1990年起日本政府大量增加貨幣供應，但日圓匯價由1985年到1994年大幅上升，令外國物品大量湧入日本市場競爭，過去22年日本接近沒有通脹。2008年起為對抗金融海嘯，美國政府大量增加貨幣供應，因金融資產價格下跌，銀行被迫收縮信貸令貨幣流速下降，形成美國在貨幣供應大增，同時卻樓價大跌。最近兩年，全球食物價格上升，是因天氣轉差，而非因為全球貨幣供應上升。」


曹Sir指出，樓價升降同通脹關係不大。1974年那年，石油漲價引發惡性通脹，香港CPI升幅超過10%，同年香港樓價下跌30%（住宅樓價由每呎150元跌至每呎100元）。
他認為，影響樓價的因素主要有三：

（一）政府土地政策（例如1997年7月的八萬五房屋政策及2003年9月的孫九招）；
（二）人均收入一旦進入3000美元到6000美元一年，會掀買樓潮；
（三）人均收入上升至3萬美元一年，買樓熱潮便冷卻。

低息期無人知何時結束

一些人買樓，皆因美國聯儲局表示低息期可延至2015年底。曹Sir表示，在2008年底美元利率降至0.25厘時，他已指出這次低息期將長期化。至於低息將何時結束，沒有人可以事先知道。「本人只是分析員而非預言家，『從來不作預測』乃本人一向遵守的格言，因為世上95%的預測，事後皆證明不準。只能說這段低利率期十分長，應超過大部分人的估計。」

至於現時買樓是否合理？「世上無合理和正確這回事，一切都由時機（Timing）決定、即三個W：when, where, what。如在錯誤地方、錯誤時期，或錯誤項目上作投資都是死罪。何時買賣黃金、股票、房地產才最重要。」


明報  08112012

投資是「練心」遊戲

近日慧雅跟一名教師朋友談到本港的教育問題，並提到政府近年的殺校行動帶來不少問題，譬如早前報章便報道，有一名因政府殺校而失業的教師，在失業後一直從事投資，但因為投資失利，因而欠下朋友金錢，最後決定自盡。一時之間，這令慧雅好生感慨。
慧雅碰過不少在工作上不如意的朋友，最後決定以投資為生，希望可以錢搵錢。理論上，這不是行不通，不過在實行方面，這並不是那麼容易，其中最難之處相信便是紀律，但這不是一件簡單的事情。

「合理」價格只在理論存在

另一方面，慧雅覺得傳媒和社會似乎經常有意無意地傳達，投資是一個聰明的人才會勝出的遊戲，賺錢令人很有英雄感。記得慧雅曾打趣地跟友人說，大眾有這種想法，代表財經界在「巿場推廣」方面做得很好。慧雅又提到，經濟政治消息的好處，是它們會經常變動和幾乎怎麼詮釋也可以，從解畫的角度看，「實用率」很高，而且聽起來又好像很高檔。

投資是一項練心的遊戲，最重要是明白這遊戲的本質。有些人很沉醉於「買中」所得的英雄感，但慧雅一直認為，投資者是要能克服這種「心理幻象」，才可在投資造詣上再上一層樓。基本上，追逐價格上的波動是很費神的，而且邊際上的價格變動，是可以沒有什麼準則的。嚴格來說，所謂合理價格只是在理論上存在。巴菲特的師父葛拉漢說得對，在邊際上，股價要麼就是反映最貪婪的買家的買價，要麼就是反映最恐慌的賣家的賣價，那它又怎可能是合理價呢？

施慧雅  明報 01112012