張士佳 出術？！

張士佳以隱藏賬戶交易並作失實聲明 遭證監罰停牌30個月兼罰50萬

 

證監會宣布暫時吊銷張士佳的牌照，為期30個月，由2013年4月4日起至2015年10月3日止，並處以罰款50萬元，原因是張利用隱藏的證券賬戶進行交易，造成利益衝突，並於一報章投資專欄作出虛假及失實聲明。

監監會的調查發現，張士佳隸屬於華富嘉洛證券期間，未有披露其妻子開立的一個證券交易賬戶。因此，透過該隱藏賬戶進行的交易並無按«操守準則»的規定受華富嘉洛監察；張買賣其於《蘋果日報》專欄所評論的股票，造成利益衝突。

於2009年3月至2010年3月，張士佳在《蘋果日報》的專欄對若干股票作出有利評論或推介，然後於其專欄刊出的同日或於其後三個營業日內，賣出其妻子的證券賬戶中持有的部分或所有相關股票，並多次從中獲利；張曾指示其助手延遲刊發若干股票的有利評論，直至其妻子的賬戶買入有關股票；及張在其《蘋果日報》投資專欄評論有關股票時，對其於妻子的賬戶所持有的相關股票作出虛假及失實聲明。

張的罰款額與其於上述交易中所獲利潤大致相若。

 

Yahoo 08042013

老雀 嫩雀

黃台之瓜 唔摘就笨

 

壹傳媒(282)老闆肥佬黎親自宣佈出讓台灣業務交易告吹，並聲言不會再出賣台灣報刊生意。肥佬黎講嘢信住佢兩成先，但呢次交易唔成，壹傳媒肯定受重創，肥佬黎真正係賠了夫人又折兵，散戶都應該喺呢單交易學到啲嘢，就係股價升唔沽就笨。

　　壹傳媒呢個46億交易不完成，訂金要退回，無訂金可殺。仲有仲有，壹傳媒本來在去年10月作價3億港元賣走台灣壹電視業務畀年代電視董事長練台生，後來殺出新買家要電視、報紙一起買，才終止與練台生的交易。壹電視年蝕10億港元，如今無端端揸多半年，等如蝕多5億(仲要短期賣得到)，真是偷雞不成蝕把米。

　　壹傳媒硬啃勁蝕

　　呢一役肥佬黎固然損兵折將，但不少壹傳媒股東無沽貨亦大歎走寶，呢個憧憬破滅的個案，都可以做一單教材。壹傳媒去年9月股價浮沉在0.7元左右，公佈台灣賣盤交易後，股價在去年10月18日大升至1.76元，然後反覆回，停牌前收市價1.17元，估計復牌後要大插。

　　我識得兩個朋友都有揸壹傳媒，一個好叻分段走清，我叫佢「老雀」；一個一股都無賣到，我叫佢「嫩雀」。「老雀」在1.7元、1.5元、1.4元三個位沽貨，平均沽貨價1.53元，如今睇佢好醒。我問「老雀」點解咁叻走清，佢答我「唔貪」，反正買回來炒，好多人計來計去計壹傳媒賣走台灣業務後值幾多錢，佢唔計，復牌日見試盤價1.7元，未開市已落定盤在1.7元、1.8元、1.9元分三批沽貨，佢話若然咁樣分批沽清平均沽貨價1.8元，佢會賺1.3倍，仲想點？結果上唔到1.8元，只沽了三分一。隻股回落，但到12月中佢見隻股炒高到1.7元又行人止步，一浪低於一浪，就搵位走埋佢。老雀話1.5元時沽可能錯過交易成功升上2元的機會，但交易不成1元都守唔住，佢就唔博啦。

　　至於「嫩雀」就好慘，一股都無沽過，原來佢揸咗呢隻股好耐，當年有100萬股，高峰期股價5元，佢揸的股價值過500萬(隻股曾經5合1，等如現價25元！)合併後佢得番20萬股，股價又大跌。我問佢做乜今次升到1.7元唔沽？佢話見過500萬之後，家1.7元都只係34萬，黃台之瓜，何堪再摘？而且佢亦睇好賣台灣業務後股價會高好多。我就話黃台之瓜，唔摘就笨！唔能夠話見過500萬，就唔執10、20萬，13年前美好的科網股高潮日子不去不返，做人都係現實啲好。散戶有時係咁，輸到無眼睇，但唔睇仲輸得多。同時太懷念過去的股價，唔肯接近隻股「永遠不能回到過去價位」的事實。

28032013 睦羽仁 頭條日報