老散自白

1) 老散重視炒作, 輕視投資: 炒作時隨著市場轉, 高揸低沽; 選股人《所謂專家》講就信, 自己全無分析, 買中食少少就走, 買錯蝕好深死坐; 買中贏幾格就不斷出貨, 買錯不斷溝淡!」

2) 老散是大戶的豐厚年薪和花紅來源。

3) 華爾街没有什麼新的事物, (香港)亦都没有可能有什麼新的事物。

4) 溝貨是向上溝, 向下係應該止蝕, 引刀成一塊, 手起刀落。

道理的確淺，但做到的人唔多。世上沒有無敵的股，只有必輸的人。必輸的人窮一生精力去找無敵股，以為好易搵到 升10倍的股票，結果就跌入大戶布下的陷阱中，輸完又輸，輸完再輸。

1)好多散戶犯錯第一係出發點錯，以為『投機』好過『投資』，以為《投機快，投資慢》，唔知道好多人投機只是找一個快的方法送死而矣。應該將投資及投機分開處理，或分開戶口定理。見議投機不高於總的3成。

2)散戶第二個錯誤是方法錯，將投機當投資，或者投資、投機心態兩頭搖。搞唔清投機和投資，係最根本的方法錯誤。然後仲有《輸就溝淡，贏少少就走人》這些攞命「殺著」，輸一次輸舖勁，就贏十次都補唔番。

3)散戶第三個錯誤係永遠唔會認錯，贏少少錢唱通天，輸多多錢唔願提，永遠唔肯細心翻開自己的錯誤歷史，學唔到嘢，就永遠走唔出錯誤。

所以一句總結，散戶係輸自己，唔係輸市場。

大戶同老散玩, 有2個優勢:

1) 資訊....有內幕, 而且能即時更新及收集市場資料;

2) 資金／技術....有能力《搭棚》, 《製造各種成交假象》, 《舞高弄低》。

 

散戶只有2種優勢:

1) 快...散戶貨少, 可《迅速出入貨》, 不像大戶出入貨要一段時間。《如果散戶投機唔夠快, 沒有生存優勢, 必敗無疑.... 》

2) 大戶技量不外乎收集、推升、推升後震倉、高位讓散戶接貨…由於持貨量大，往住在圖表上現形。散戶可於最有利位置進出，減低進出成本；要『快』及『決斷』。每次輸小贏多，達到長遠正回報。